Convocatoria de probas de acceso aos ciclos formativos de grao medio e grao superior de formación profesional

A Consellería de Cultura, Educación e Ordenación Universitaria abre a convocatoria, para o ano 2016, de probas de acceso aos CICLOS FORMATIVOS DE GRAO MEDIO E DE GRAO SUPERIOR DE FORMACIÓN PROFESIONAL no ámbito territorial da Comunidade Autónoma de Galicia.

Estas probas teñen validez en todo o territorio do Estado. Nos ciclos formativos de grao superior, o acceso a cada un deles mediante proba quedará determinado pola parte específica. Esta parte específica está establecida en función das familias profesionais e os ciclos formativos aos que posibilita o acceso:

Opción A -Economía da empresa, Lingua estranxeira (inglés ou francés) e Filosofía e cidadanía.
Opción B -Debuxo técnico, Tecnoloxía industrial e Física.
Opción C -Ciencias da terra e ambientais, Química e Bioloxía.

Requisitos para participar nas probas

Poderán participar na proba de acceso aos ciclos de formación profesional:  

CICLOS FORMATIVOS DE GRAO MEDIO: As persoas que non cumpran os requisitos académicos exixidos para acceder a eles (non posúan o título de graduado en educación secundaria obrigatoria nin un título de formación profesional básica, nin outros estudos equivalentes para os efectos de acceso) e teñan 17 anos ou os fagan no ano natural de realización da proba.

CICLOS FORMATIVOS DE GRAO SUPERIOR: As persoas que non cumpran os requisitos académicos exixidos para accederen a eles (non posúan o título de bacharelato nin un título de técnico de formación profesional, nin outros estudos equivalentes para os efectos de acceso) e teñan 19 anos ou os fagan no ano de realización da proba.

Prazo de presentación de solicitudes

O prazo de presentación de solicitudes para participar nas probas de acceso son: 

CICLOS FORMATIVOS DE GRAO MEDIO: Do 4 ao 15 de abril de 2016, ambos os dous incluídos.

CICLOS FORMATIVOS DE GRAO SUPERIOR:  Do 15 ao 26 de febreiro de 2016, ambos os dous incluídos.

Datas de realización das probas

CICLOS FORMATIVOS DE GRAO MEDIO: o día 25 de maio de 2016. 

No caso de superación total da proba, a certificación que o acredite dará acceso a calquera ciclo formativo de grao medio, nas condicións de admisión que se establezan.

CICLOS FORMATIVOS DE GRAO SUPERIOR: o día 20 de abril de 2016. 

No caso de superación da totalidade da proba, e en función da opción elixida, a devandita certificación incluirá a relación de familias profesionais en que se posibilitará o acceso, nas condicións de admisión que se establezan.

Mantemento das cualificacións no caso de non superar a proba

Quen realice as probas na Comunidade Autónoma de Galicia e non as supere na súa totalidade poderá manter a cualificación obtida nas partes superadas cunha puntuación igual ou superior a cinco en futuras convocatorias de probas de acceso a ciclos formativos en Galicia, durante un máximo de 2 anos.

Máis información

Orde do 2 de febreiro de 2016 pola que se convocan probas de acceso aos ciclos formativos de grao medio e de grao superior de formación profesional do sistema educativo para o ano 2016 (DOG nº 28 do 11.02.2016).
Convocatoria 2016 das probas de acceso ao ciclos formativo de formación profesional de GRAO MEDIO na web da Consellería de Cultura, Educación e Ordenación Universitaria.
Convocatoria 2016 das probas de acceso aos ciclo formativo de formación profesional de GRAO SUPERIOR na web da Consellería de Cultura, Educación e Ordenación Universitaria.