Apertura da inscrición en varias listas de contratación temporal da Xunta de Galicia

Convocatoria Emprego Listas de Contratación Público

A Dirección Xeral da Función Pública da Xunta de Galicia abre o prazo de inscrición en varias listas de contratación de persoal laboral temporal dos grupo III e V.

As categorías nas que se poderán incorporar novas solicitudes son 2:

Grupo III: Xefe/a de cociña.  

Grupo V: Camareiro/a-limpiador/a. Axudante cociña. Pasador/a de ferro-lavandeiro/a. Costureiro/a. Cortador/a. Pasador/a de ferro. Lavandeiro/a.

Procedemento de inscrición

Para inscribirse hai que seguir o procedemento que se establece no artigo 6 do Decreto 217/2003 e acreditar os requisitos que se especifican na Resolución do 17 de novembro de 2003 (DOG núm. 228, do 24 de novembro) pola que se abre o prazo inicial de presentación de solicitudes para a elaboración das referidas listas.

Os requisitos de titulación son os seguintes:

Xefe/a de cociña. Técnico/a superior en restauración ou equivalente e CELGA 4 ou equivalente.

Camareiro/a-limpiador/a. Axudante cociña. Pasador/a de ferro-lavandeiro/a. Costureiro/a. Cortador/a. Pasador/a de ferro. Lavandeiro/a. Certificado de escolaridade ou equivalente e CELGA 2.

Prazo de presentación de solicitudes

As persoas interesadas poderán presentar a súa solicitude entre o 2 e o 8 de novembro de 2016.

Máis información

Resolución do 26 de outubro de 2016, da Dirección Xeral da Función Pública,pola que, de conformidade co disposto no artigo 6 do Decreto 37/2006, do 2 demarzo, se acorda a apertura de determinadas listas para a incorporación denovas solicitudes para a contratación temporal de persoal laboral da Xunta deGalicia correspondente a determinados grupos e categorías (DOG núm. 207 do 31.10.2016).
Resolución do 17 de novembro de 2003, da Dirección Xeral da Función Pública, pola que se abre o prazo de presentación de solicitudes para a elaboración de diversas listas reguladas polo Decreto 217/2003, do 11 de abril, polo que se regula o nomeamento do persoal interino para o desempeño con carácter transitorio de prazas reservadas a funcionarios, e a contratación temporal de persoal laboral da Xunta de Galicia (DOG núm. 228 do 24.11.2003).
Función Pública da Xunta de Galicia - Listas de Contratación Temporal.

Programa Integrado Lalín 0 Comentarios

Ábrese o prazo de inscrición nas listas de interinidades e substitucións de docentes de Informática da Consellería de Educación

Convocatoria Emprego Listas de Contratación Público

A Dirección Xeral de Centros e Recursos Humanos da Consellería de Cultura e Ordenación Universitaria abre o proceso de solicitude para que as persoas que teñan interese poidan inscribirse en prazas de interinidades e substitucións nos seguintes corpos de profesores:

- Corpo de profesores de ensino secundario: especialidade Informática (590107).
- Corpo de profesores técnicos de formación profesional: especialidade Sistemas e aplicacións informáticas (591227).

Titulacións requiridas

Informática (590107)

Sistemas e aplicacións informáticas (591227)

– Licenciado en: • Informática. • Ciencias e técnicas estatísticas. • Matemáticas. • Física. – Enxeñeiro en: • Informática. • De telecomunicación. • Electrónica. – Diplomado en estatística. – Enxeñeiro técnico en: • Informática de xestión. • Informática de sistemas. • De telecomunicación, especialidade en telemática. – Os correspondentes graos das titulacións anteriores adaptadas ao Espazo Europeo de Educación Superior.

– Licenciado en: • Informática. • Matemáticas. • Física. – Enxeñeiro en: • Informática. • De telecomunicación. – Diplomado en informática. – Enxeñeiro técnico en: • Informática de xestión. • Informática de sistemas. • De telecomunicación. – Os correspondentes graos das titulacións anteriores adaptadas ao Espazo Europeo de Educación Superior.

 Requisitos dos/as solicitantes

1. Ser español ou ter a nacionalidade doutro país membro da Unión Europea ou de calquera outro dos Estados a que, en virtude dos tratados internacionais realizados pola Unión Europea e ratificados por España, sexa de aplicación a libre circulación de traballadores e traballadoras.

2. Ter feitos os dezaseis anos e non ter alcanzado a idade establecida, con carácter xeral, para a xubilación.

3. Estar en posesión das titulacións que se especifican para a especialidade.

4. Ademais do requisito de titulación, deberá acreditarse a formación pedagóxica e didáctica establecida no artigo 100.2 da Lei orgánica 2/2006, do 3 de maio, de educación ou equivalente.

5. Ter superado o curso Celga 4 de lingua galega ou ter a validación equivalente.

Prazo de solicitude

As persoas interesadas deberán presentar a instancia de solicitude, así como a documentación xustificativa dos requisitos mínimos exixidos e dos méritos alegados para a súa baremación, no prazo de 10 días naturais contados a partir do día seguinte ao da publicación do anuncio no Diario Oficial de Galicia (28.10.2016).

Máis información

Anuncio do 19 de outubro de 2016, da Dirección Xeral de Centros e Recursos Humanos, polo que se comunica a ampliación de titulacións e se abre un novo prazo para solicitar prazas de interinidades e substitucións para impartir docencia no corpo de profesores de ensino secundario, especialidade 590107-Informática, e no corpo de profesores técnicos de formación profesional na especialidade 591227-Sistemas e aplicacións informáticas (DOG núm. 206 do 28.10.2016).

Programa Integrado Lalín 0 Comentarios

Listas de Contratación Temporal de Conductores/as do SERGAS

Convocatoria Listas de Contratación

A Dirección Xeral de Recursos Humanos do Servizo Galego de Saúde (SERGAS) inicia o prazo para a inscrición de aspirantes nas listas de contratación temporal da categoría de CONDUTOR/A.

Mediante este proceso as persoas inscritas accederán, en función das necesidades dos servizos, á formalización de nomeamentos estatutarios temporais no ámbito das institucións sanitarias do Servizo Galego de Saúde e entidades adscritas á Consellería de Sanidade.

Requisitos

As persoas que desexen inscribirse nestas listas deberán posuír, polo menos, unha das titulacións indicadas:

• Graduado escolar.

• Graduado/a en ESO ou equivalente.

• Título de técnico (formación profesional de grao medio).

• Formación profesional de primeiro grao.

Adicionalmente, deberán estar en posesión dos seguintes permisos e/ou certificacións:

• Permiso de conducir clase BTP.

Para vinculacións temporais de condutor/a de vehículos especiais de carácter sanitario:

• Permisos de conducir das clases C e D, xunto cos certificados de aptitude profesional (CAP) de ambas as clases de permisos ou, de ser o caso, acreditación da súa exención, nos termos do Real decreto 1032/2007, do 20 de xullo.

Taxa de inscrición

16,98 €. Estarán exentas do aboamento desta taxa as persoas que acrediten un grao de discapacidade igual ou superior ao 33 %, así como as que sexan integrantes de familias numerosas clasificadas na categoría especial; no caso de seren membros de familia numerosa de categoría xeral, terán unha bonificación do 50 %. Así mesmo, gozarán dunha bonificación do 50 % as persoas que figurasen como demandantes de emprego desde, polo menos, seis meses antes da data de publicación da resolución (29.10.2015), e non estivesen percibindo prestación ou subsidio por desemprego.

Ámbito de inscrición: Áreas/Zonas limítrofes

As persoas interesadas deberán facer constar no formulario de inscrición a categoría a que opta e o ámbito territorial de dispoñibilidade:

1. Ferrol. Comprende: A Coruña, Santiago de Compostela e Lugo, nesta orde.

2. A Coruña. Comprende: Ferrol, Santiago de Compostela e Lugo, nesta orde.

3. Santiago de Compostela. Comprende: A Coruña, Pontevedra, Vigo e Lugo, nesta orde.

4. Lugo. Comprende: Monforte de Lemos, Burela, A Coruña e Ferrol, nesta orde.

5. Ourense. Comprende: O Barco de Valdeorras, Santiago de Compostela e Lugo, nesta orde.

6. O Barco de Valdeorras. Comprende: Ourense, Lugo e Santiago de Compostela, nesta orde.

7. Pontevedra. Comprende: Vigo, Santiago de Compostela, Ourense e A Coruña, nesta orde.

8. Vigo. Comprende: Pontevedra, Santiago de Compostela, Ourense e A Coruña, nesta orde.

Prazo de inscrición

O prazo para formalizar as solicitudes nesta xeración de listas remata o 30 de novembro de 2015. Os méritos computables serán os causados até o 15 de novembro de 2015 e que consten acreditados na data límite de finalización do prazo de presentación de solicitudes.

Máis información

ANUNCIO DE APERTURA DE LISTAXES e BASES: Resolución do 19 de outubro de 2015, da Dirección Xeral de Recursos Humanos, pola que se inicia o prazo para a inscrición de aspirantes da categoría de condutor/a nas listas para a formalización de nomeamentos estatutarios temporais no ámbito das institucións sanitarias do Servizo Galego de Saúde e entidades adscritas á Consellería de Sanidade.

Acceso Solicitude de Inscrición.

Programa Integrado Lalín 0 Comentarios