Curso de Prevención de Riscos Laborais Básico (60 horas) do Programa Integrado

O vindeiro 12 de novembro o Programa Integrado do Concello de Lalín inicia un curso de Prevención de Riscos Laborais de nivel básico. A formación terá unha duración de 60 horas (20 presenciais e 40 a distancia). As sesións presencias realizaranse nas instalacións do Concello os días 12, 13, 16 e 17 en horario de 9:00 a 14:00 horas.

Traballos nos que se require esta formación

Esta formación é valorada en numerosos procesos de selección e requirida pola actual normativa de prevención de riscos laborais para realizar as funcións que integran o nivel básico da actividade preventiva nos seguintes traballos:

a) Traballos con exposición a radiacións ionizantes en zonas controladas segundo Real Decreto 53/1992, de 24 de xaneiro, sobre protección sanitaria contra radiacións ionizantes.

b) Traballos con exposición a sustancias ou mesturas causantes de toxicidade aguda de categoría 1, 2 e 3, e en particular a axentes cancerígenos, mutagénicos ou tóxicos para a reprodución, de categoría 1A e 1B, segundo o Regulamento (CE) n.ou 1272/2008, de 16 de decembro de 2008, sobre clasificación, etiquetaxe e envasado de sustancias e mesturas.

c) Actividades en que interveñen produtos químicos de alto risco e son obxecto da aplicación do Real Decreto 886/1988, de 15 de xullo, e as súas modificacións, sobre prevención de accidentes maiores en determinadas actividades industriais.

d) Traballos con exposición a axentes biolóxicos dos grupos 3 e 4, segundo a Directiva 90/679/CEE e as súas modificacións, sobre protección dos traballadores contra os riscos relacionados a axentes biolóxicos durante o traballo.

e) Actividades de fabricación, manipulación e utilización de explosivos, incluídos os artigos pirotécnicos e outros obxectos ou instrumentos que conteñan explosivos.

f) Traballos propios de minería ao descuberto e de interior, e sondaxes en superficie terrestre ou en plataformas mariñas.

g) Actividades en inmersión baixo a auga.

h) Actividades en obras de construción, escavación, movementos de terras e túneles, con risco de caída de altura ou sepultamiento.

i) Actividades na industria siderúrxica e na construción naval.

j) Produción de gases comprimidos, licuados ou disoltos ou utilización significativa dos mesmos.

k) Traballos que produzan concentracións elevadas de po silíceo.

l) Traballos con riscos eléctricos en alta tensión. 

Máis información:

Programa Integrado de Emprego do Concello de Lalín

Praza de Galicia, 1, planta 0, 36500 Lalín, Pontevedra.

A través do TELÉFONO: 986787060.

A través do EMAIL: integrado@lalin.org

Esta actividade forma parte da iniciativa municipal "Lalín Emprende Xove" 2015-2016, polo que se dirixe exclusivamente a aquelas persoas que participan neste Programa Integrado de Emprego.