Xornadas ´ABC da agricultura orgánica´ no Alle

"ABC da agricultura orgánica" é o título das xornadas que albergará a leira leiteira de O Alle, na parroquia de Filgueira, desde o 30 de outubro até o 1 de novembro. Os/as asistentes aprenderán de forma sinxela a coidar da saúde do chan e das plantas, da man de Jairo Restrepo, consultor da ONU, quen proporcionará aos/ás asistentes ferramentas e visións para rexenerar a fertilidade dos chans (cuestións vinculadas aos tipos de abonos ou aos biofertilizantes, entre outras).

O programa formativo ten un custo de 160 euros por persoa e forma parte do ciclo de relatorios que organiza o colectivo Agricultura Regenerativa en diversos puntos da península.

Quen desexen inscribirse ou recibir información adicional sobre esta proposta de agricultura orgánica poden acceder á páxina web www.agriculturaregenerativa.es, enviar un correo electrónico á dirección nodogalicia@agriculturaregenerativa.es ou marcar o número de teléfono 646 076 287.