Se es menor de 30 anos e estás pensando montar un negocio ou exercer unha actividade profesional podes beneficiarte das axudas do programa de promoción do emprego autónomo. A Consellería de Economía, Emprego e Industria abre a convocatoria 2016 de axudas específicas para as persoas novas desempregadas inscritas no ficheiro do Sistema Nacional de Garantía Xuvenil que queiran desenvolver a súa actividade empresarial ou
profesional en Galicia.
Requisitos
a) Estar inscrito no Sistema Nacional de Garantía Xuvenil.
b) Non ter traballado nos 30 días naturais anteriores á data de inicio de actividade laboral.
c) Creación do propio posto de traballo mediante a constitución en persoas traballadoras autónomas ou por conta propia: terse dado de alta no réxime especial
de autónomos ou en calquera outro réxime especial por conta propia da
Seguridade Social ou en mutualidade de colexio profesional entre o 1 de
outubro de 2015 e o 30 de setembro de 2016, ambos inclusive, como
titulares ou cotitulares do negocio ou explotación.
d) Non percibir subvencións ao abeiro
dos distintos programas de promoción do emprego autónomo nos tres anos
anteriores á data do inicio da nova actividade.
e) Non desenvolver como persoa
traballadora autónoma a mesma ou similar actividade na mesma localidade,
nos seis meses inmediatamente anteriores á data do inicio da nova
actividade, nin estivese de alta como persoa traballadora autónoma en
calquera réxime da Seguridade Social ou en mutualidade de colexio
profesional, sempre que a dita situación de alta presupoña actividade,
nos tres meses inmediatamente anteriores.