As entidades sen ánimo de lucro poden solicitar até o 30 de xaneiro de 2016 as subvencións da Consellería de Economía, Emprego e Industria para a contratación de persoas mozas inscritas no ficheiro do Sistema Nacional de Garantía Xuvenil. O obxecto destas axudas é a prestación de servizos de interese xeral e social á vez que se proporciona aos mozos/as unha experiencia e práctica profesional que facilite a súa inserción laboral.
Os traballadores e as traballadoras que sexan contratados para a
realización destes servizos deberán ser,
en todo caso, persoas de 18 ou máis anos, inscritas no ficheiro do
Sistema Nacional de Garantía Xuvenil, no ámbito da Comunidade Autónoma
de Galicia.
A duración subvencionada dos contratos será de 7 meses e a xornada a
tempo completo.
Prazo de solicitude
O prazo para a presentación de solicitudes é dun mes, contado desde o
día seguinte ao da publicación da convocatoria no Diario Oficial de
Galicia (30/12/2015) polo que finaliza o 30 de xaneiro de 2016.