FSC INSERTA está a organizar para o vindeiro mes de maio varios cursos gratuítos para persoas con discapacidade en situación de desemprego. Serán dúas accións que se impartirán de forma presencial e un Certificado de Profesionalidade en modalidade on-line, con 32 horas presenciais e 80 horas de prácticas en empresas. O lugar de impartición de todas as sesións presenciais destes cursos será Santiago de Compostela.
Listaxe de cursos, horas e datas
Curso | Horas | Lugar | Data de inicio | Data de fin | Observacións |
Manipulación de cargas con carretillas elevadoras | 60 | Santiago de Compostela | 02.05.2016 | 18.05.2016 | |
Transporte de mercadorías por estrada | 140 | Santiago de Compostela | 24.05.2016 | 08.07.2016 | Con exame da DXT |
Atención sociosanitaria a persoas dependentes en institucións sociais | 450 | Online. Santiago de Compostela | 23.05.2016 | 23.12.2016 | Certificado de profesionalidade Nivel 2 |
Características e axudas
Os cursos son gratuítos porque están cofinanciados pola FUNDACION ONCE e o FONDO SOCIAL EUROPEO, e execútanse no marco dos programas POISES e POEJ. O alumnado dispón dunha bolsa de 9 euros por cada día que asistan ao curso. As clases presenciais no curso en liña impartiranse en Santiago. As prácticas realizaranse o máis preto posible do domicilio do alumnado.
Inscricións e máis información
As persoas interesadas poden anotarse no portal de emprego www.portalento.es ou recabar máis información no teléfono 981 554 483 ou o enderezo R/ Laverde Ruiz, 4-baixo de Santiago de Compostela.