IV edición da Feria Mercado Laboral Virtual con máis de 60 empresas que ofertan prácticas e emprego

O martes 20 de outubro arrinca unha nova edición da "Feria Mercado Laboral Virtual" unha iniciativa organizada pola Comunidade Laboral Universia-Trabajando, con ofertas de emprego de máis de 60 empresas.

O evento, ao que se accede de forma gratuíta, vai dirixido a todas aquelas persoas que se atopen buscando prácticas, un primeiro emprego ou postos profesionais. Poden enviarse currículos ás empresas de forma directa, participar en chats e recibir asesoramento por parte dos responsable de recursos humanos.

Esta edición, a número catro, conta co patrocinio de Banco Santander, Manpower Group e o Servizo Público de Emprego Estatal do Ministerio de Emprego e Seguridade Social. Ademais participa na "II Feria de Empleo de la Era Digital" na que haberá máis de 70 relatorios de expertos/as de xestión  de persoal e emprendemento.

A feira estará habilitada até o 29 de outubro. Durante a celebración da pasada edición, superáronse as 3.000 ofertas de emprego de empresas como BasicFit, Deloitte, Elecnor, O Economista, EMPESA, Everis, EY, Fundación Universia, Hertz, HR Consulting, INJUVE, Manpower Group, Banco Santander, Médicos do Mundo, Ministerio de Emprego, National Nederlanden, Primark, Telefónica Global Solutions, Trabajando Freelance, Universia e Vodafone, entre moitas outras.

Feria Mercado Laboral Virtual