Axudas á creación de empresas por agricultores/as mozos/as e apoio a investimentos e desenvolvemento de explotacións agrarias

Coa finalidade de incrementar a competitividade e o rendemento global das explotacións agrarias e facilitar a entrada no sector agrario de novos/as agricultores/as a Consellería do Medio Rural da Xunta de Galicia abre a convocatoria para o ano 2016 de liñas de axuda incluídas no Programa de desenvolvemento rural de Galicia 2014_2020.

Accións subvencionables

MEDIDA 1. Investimentos en activos físicos: Apoio aos investimentos nas explotacións agrícolas (plans de mellora nas explotacións agrarias).

MEDIDA 2. Desenvolvemento de explotacións agrícolas e empresariais:

1. Creación de empresas para os agricultores/as mozos/as.

2. Creación de empresas para o desenvolvemento de pequenas explotacións.

Máis información

Orde do 23 de decembro de 2015 pola que se convocan para o ano 2016 as axudas para apoio aos investimentos nas explotacións agrícolas, para a creación de empresas para os agricultores mozos e para a creación de empresas para o desenvolvemento de pequenas explotacións, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014_2020.