Probas Libres para a obtención dos títulos de Graduado en Educación Secundaria Obrigatoria (ESO) e Bacharel

A Dirección Xeral de Educación, Formación Profesional e Innovación Educativa abre a convocatoria de probas libres para a obtención dos títulos de GRADUADO EN EDUCACIÓN SECUNDARIA OBRIGATORIA (ESO) e BACHAREL, nas modalidades de Ciencias e Tecnoloxía e Humanidades e Ciencias Sociais, para maiores de 18 e 20 anos respectivamente.

Condicións para participar nas probas

Poderán participar nas probas de GRADUADO EN EDUCACIÓN SECUNDARIA as persoas que cumpran os seguintes requisitos:

1. Ter cumpridos os 18 anos o día anterior á data de realización da proba.

2. Non estaren en posesión do título de Graduado en Educación Secundaria.

3. Non estaren inscritas para a superación das materias de 4º curso de educación secundaria obrigatoria establecidas no artigo 7, apartado 5 da Orde do 21 de decembro de 2007 (DOG do 7 de xaneiro de 2008).

4. Non estaren nin teren estado matriculadas no curso 2015/16 nas ensinanzas de educación secundaria ordinaria nin nas de formación profesional básica (o alumnado matriculado durante o curso 2015/16 na educación secundaria para persoas adultas poderá inscribirse nas probas se previamente cumprindo determinadas condicións).

Poderán participar nas probas de BACHAREL as persoas que cumpran os seguintes requisitos:

1. Ser maior de 20 anos ou cumprir esa idade no ano 2016.

2. Non estar en posesión do título de bacharel ou de calquera outro título declarado equivalente para os efectos académicos.

3. Non estar a cursar ensinanzas de bacharelato en ningunha das súas modalidades ou réximes nin ter estado matriculado nesas ensinanzas no curso escolar 2015/16.

Prazo de presentación de solicitudes

Os prazos de matrícula para as probas de GRADUADO EN EDUCACIÓN SECUNDARIA son:

– Convocatoria de maio: do 7 de marzo ao 18 de marzo de 2016, ambos os dous incluídos.

– Convocatoria de setembro: do 1 de xullo ao 8 de xullo de 2016, ambos os dous incluídos.

O prazo de presentación das solicitudes para as probas de BACHAREL é do 18 de febreiro ao 3 de marzo de 2016.

Máis información

PROBAS DE EDUCACIÓN SECUNDARIA: Resolución do 13 de xaneiro de 2016, da Dirección Xeral de Educación, Formación Profesional e Innovación Educativa, pola que se convocan as probas para a obtención do título de graduado en educación secundaria obrigatoria para maiores de dezaoito anos nas convocatorias de maio e setembro, e se ditan instrucións para a súa realización (DOG núm. 18 do 28.01.2016).

PROBAS DE BACHAREL: Resolución do 13 de xaneiro de 2016, da Dirección Xeral de Educación, Formación Profesional e Innovación Educativa, pola que se convoca a proba para a obtención do título de bacharel para maiores de vinte anos e se ditan instrucións para a súa realización (DOG núm. 18 do 28.01.2016).