A Deputación de Pontevedra fomentará o emprendemento xuvenil en Lalín co programa DepoEmprende

A Deputación Provincial de Pontevedra vai desenvolver durante o último cuatrimestre deste ano o programa DepoEmprende, unha iniciativa de fomento do emprendemento xuvenil que se levará a cabo nos espazos dos viveiros da rede de Incyde en Lalín, Barro-Meis, Pontevedra, Vigo, Vilagarcía e Tui.

Finalidade do proxecto

O programa aposta por facilitar a incorporación ao mercado laboral de 120 mozos/as da provincia de Pontevedra a través de itinerarios de emprendemento xuvenil adaptados as súas necesidades.

O seu obxectivo é fomentar a cultura emprendedora e facilitar a transformación de ideas en proxectos concretos.

Requisitos dos/as participantes

As persoas que desexen participar deben ser menores de 30 anos e cumprir os requisitos de inscrición no Sistema Nacional de Garantía Xuvenil.

Deben, ademais:

- Estar sen ocupación.
- Non estar cursando formación nos sistemas de educación ou formación formal.

Fases do proxecto

O programa consta de varias fases diferenciadas nas que se realización talleres prácticos de promoción da cultura emprendedora, formación práctica grupal e individual, visitas a startups e actividades de apoio individualizado para a posta en marcha de negocios.

A inscrición e selección de participantes iníciase neste mes de agosto. A parte formativa desenvolverase entre os meses de setembro e outubro.